da NUATRI

nfunnu nfunnu

tu non mi piaci

non mi piaciunu i to capiddi

e tant’assai mancu l’occhi

e parri troppu alleggiu

e mi sentu scema a diriti ah

chi dicisti

ma appoi passa u ventu

e pari u to ciatu

arreri a ricchi

in fondo in fondo / tu non mi piaci / non mi piacciono i tuoi capelli / e nemmeno gli occhi / e parli troppo piano / e mi sento scema a dirti ah / cosa hai detto / ma poi passa il vento / e sembra il tuo respiro / dietro l’orecchio

nt’a na gnuni

vistuti

senza rispirari

facemu chiddu ca voi

ma facemulu prestu

in un angolo / vestiti / senza respirare / facciamo quello che vuoi / ma facciamolo presto

a genti passa e mi talìa

a genti passa e smurmuria

ma cchi nni sannu i cristiani

di quantu sugnu ricca

ora iù

ca haiu n’a vucca i baci

di na bionda e di na bruna

la gente passa e mi guarda / la gente passa e bisbiglia / ma cosa ne sanno le persone / di quanto sono ricca / adesso io / che ho nella bocca i baci / di una bionda e di una bruna

i munzignarii

Su cosi duci

di mangiari a notti

i sulu a sulu

pp’addummiscirisi

ca panza china

i munzignarii

s’ arricanusciunu

quannu arrivunu

d’o burdellu ca fanu

ma a mìa mi pari

u stissu na festa

i munzignarii sculunu d’a vucca

di cu’ i dici

iù mi lliccu

su acqua frisca

iù mi vivu

i munzignarii

su ccappotti di lana

quariunu

e nun mi scummigghiati

ppi favuri

e facitivi i cazzi vostri

le bugie / sono cose dolci / da mangiare la notte da soli / per addormentarsi / con la pancia piena / le bugie / si riconoscono / quando arrivano / dal bordello che fanno / ma a me sembra / comunque una festa / le bugie scolano dalla bocca / di chi le dice / io le lecco / sono acqua fresca / io le bevo / le bugie / sono cappotti di lana / riscaldano / e non mi scoprite / per favore / e fatevi i cazzi vostri

ti lassu

è menzannotti passata

avanti ô purticatu

spattemuni i manu u sonnu

tu i to’ e iù i me’

o cuccamini

ognunu nt’a na casa

n lettu ppi mmìa

n’autru ppi tìa

cchi sprecu

e m’abbastassi na gnuni

unniegghiè

macari arreri ô muru

macari nt’a na taula

supra mangiu

e sutta dormu

nt’o casciolu i pinseri

i paroli nt’a vucca

tinemini ognunu i nostri

ma parramula nsemi

sta lingua senza cumpagnia

tu fai iù fazzu

nuatri nun facemu nun viremu

i stissi cosi lassannuni stanotti

ppi stanotti u sacciu

ma u duluri è u stissu

comu su m’avissa lassatu ppi sempri

unu ca mi furria i spaddi

unu ca facci ddabbanna

ca mi lassa i manu

tanticchia di ciatu intra a machina

forsi n varagghiu

unu ca mi lassa

cca appoi dumani ni sintemu ni viremo

forsi

ma ppi stanotti è certu

sula mi lassau

nt’a me mità di notti

nt’a me mità di lettu

e accussì mi vo ccuccu

di latu a mità

n’occhiu na minna na coscia

n peri

menzu pinseri

c’è sempri qualcunu ca mi lassa

a firmata

a fini da iurnata

qualcunu ca mori

iù stissa m’ammucciu

na scarpa na quasetta

mi mettu n’arricchinu

nt’a n’arricchi sula

c’è sempri qualcunu ca mi lassa

chiantata comu na bbabba

a menzu a strata

unu ca si nni và

e appoi torna

e si nni torna a ghiri

e ancora torna e

ancora si nni và

e pensu ora fa u giru

da casa d’a chiazza

comu a pprima comu na vota

e passunu i misi e u tempu

e nun ci criru ca mi lassa sula

a rricogghiri i piatti

scattannu mobili comu virdura

chistu si chistu no

e macari u figghiu ca misi i renti

e mi lassa i minni u latti

u sacciu si nni và

perciò certi voti

caminu finu a stazioni

mi cunfunnu ch’e cristiani

aspettu senza chiangiri

finu a quannu n trenu parti

e c’è sempri qualcunu ca mi lassa

sula

chiddu ca mossi

mentri figghiava a iatta

e tu a stanotti comu su

nenti fussi

e cchi cci fa ppi na notti

dumani ni sintemu

forsi ni viremu

ma cuntila nt’a na notti

quantu vita c’ammogghia

e passa

ti lascio / è mezzanotte passata / davanti al portone / dividiamoci le mani il sonno / tu i tuoi e io i miei / andiamo a dormire / ognuno in un casa / un letto per me / un altro per te / che spreco / e mi basterebbe un angolo / qualunque / magari dietro un muro / magari su di un tavolo / sopra mangio / e sotto dormo / nel cassetto i pensieri / le parole nella bocca / teniamoci ognuno i nostri / ma parliamola insieme / questa lingua senza compagnia / tu fai io faccio / noi non facciamo non vediamo / le stesse cose lasciandoci stanotte / per stanotte lo so / ma il dolore è uguale / come se mi avessi lasciata per sempre / uno che mi gira le spalle / uno con la faccia dall’altro lato / che mi lascia le mani / un po’ di fiato nella macchina / forse uno sbadiglio / uno che mi lascia / che poi domani ci sentiamo ci vediamo / forse / ma per stanotte è certo / sola mi ha lasciata / nella mia metà di notte / nella mia metà di letto / e così vado a dormire / di lato a metà / un occhio un seno una coscia / un piede / mezzo pensiero / c’è sempre qualcuno che mi lascia / alla fermata / alla fine della giornata / qualcuno che muore / io stessa mi nascondo / una scarpa una calza / mi metto un orecchino / in un solo orecchio / c’è sempre qualcuno che mi lascia / piantata come una scema / in mezzo alla strada / uno che se ne va / e poi torna / e se ne va / e ancora torna / e ancora se ne va / e penso ora fa il giro / della casa della piazza / come prima come una volta / e passano i mesi e il tempo / e non ci credo che mi lascia sola / a raccogliere i piatti / scegliendo i mobili come verdura / questo si questo no / e anche il figlio che ha messo i denti / e mi lascia i seni il latte / lo so se ne va / perciò qualche volta cammino fino alla stazione / mi confondo tra le persone / aspetto senza piangere / fino a quando un treno parte / e c’è sempre qualcuno che mi lascia / sola / quello che è morto / mentre figliava la gatta / e tu stanotte come se / niente fosse / e che ci fa per una notte / domani ci sentiamo / forse ci vediamo / ma contala in una notte / quanta vita che scorre e passa

da SETTI VITI COMU I IATTI

sciuscia

sutta a vesti

tocchimi

spezzimi comu u pani

fammi sentiri cchi ciauru fa

s’u voi

fazzu finta di nenti

giru a testa ddabbanna

fazzu finta di dormiri

sciuscia cca

sutta a vesti

ppi n attimu sulamenti

ca mai è ppi sempri

soffia / sotto il vestito / toccami / spezzami come il pane / fammi sentire l’odore che fa / se vuoi / faccio finta di nulla / giro la testa dall’altro lato / faccio finta di dormire / soffia qua / sotto il vestito / per un attimo soltanto / perché mai è per sempre

mi mangiai d’amuri

squagghiannumi

comu na cannila

mi sono divorata d’amore / consumandomi / come una candela

*

si comu a ciciulena

ca nun fa di 'n pani

u pani

ma na specialità di pani

sei come il sesamo / che non fa di un pane / il pane / ma una specialità di pane

da AMURI E VADDITI

di cca passau l’amuri

ciu ciu muci muci

chiddu c’avvolunu cuteddi

di cca passau l’amuri

fici n giru largu e

si nni iu

ddopu u stissu si campa

ma ccu na sula iamma

senza a manu manca

*

di qua è passato l’amore / ciu ciu muci muci / quello che volano coltelli / di qua è passato l’amore / ha fatto un giro largo e / se n’è andato / dopo lo stesso si vive / ma con una sola gamba / senza la mano sinistra

na vutata di culu

na botta di ventu

e mi perdi

a filu a filu

ti cascu da testa

senza scrusciu

senza frastornu

sciddicu nt’a ll’acqua

ca varva d’a matina

u tempu fa cinniri

e ciusci pruvulazzu

e mi vai pirdennu

comu dda cosa ca

non trovi ma

n’a cerchi

tantu è n’a quacche gnuni

nt’a sta casa

mi perdi quannu

isi a manu

e cacci na musca ca non c’è

*

una girata di sedere / un colpo di vento / e mi perdi / a filo a filo / ti cado dalla testa / senza rumore / senza frastorno / scivolo nell’acqua / con la barba della mattina / il tempo fa cenere / e soffi polvere / e mi vai perdendo / come quella cosa che / non trovi ma / non la cerchi / tanto è da qualche parte / in questa casa / mi perdi quando / alzi la mano / e scacci una mosca che non c’è

alleggiu u suli cala

acchiana a luna

appisa a n filu

menu di menza

suspisa supra u immu d’a muntagna

si ruppi u filu

ora a sta notti nostra

a luna manca

*

piano il sole scende / sale la luna / appesa a un filo / meno di mezza / sospesa sopra la gobba della montagna / si è rotto il filo / ora a questa notte nostra / la luna manca